Washingtonpost:د کرزي د سولې مرګوني معامله

سرچینه واشنګټن پوست ورځپاڼه

ژباړه او ترتیب: میرویس جلالزی

د واشنګټن پوست ورځپاڼي په خپله وروستۍ ګڼه کې د افغانستان د ملي امنیت د ادارې د پخواني ریس امرالله صالح ځيني څرګندوني د ولسمشر کرزي او  طالبان وسره د هغه د سولې د وروستي پلان په باب را اخیستي چې مهمې برخې یې په لاندې ډول وړاندي کوي.

واشنګټن پوست  لیکي چې امرالله صالح په دې ورستیو کې په  کابل کې د محصلینو له یو شمیر ډلو  سره د لیدو پر مهال او د افغانستان په شمال کې د وینا پر مهال وویل کرزی له طالبانو سره په معامله کې مرګوني تیروتنه کوي.

امرالله صالح وایې چې کرزی په خپل دغه کار سره کورنۍ جګړې ته لمن وهې .

واشنګټن پوست  له امرالله صالح په قول لیکي چې وایې، کرزی د روغې جوړې داسي یوه  پالیسي مخته کړي چې دیموکراسۍ ته به تاوان ورسوي او د افغان ښځو د نهو تیرو کلونو لاس ته راوړنې به له خاورو سره خاورې کړي.

صالح وایې چې که خلک خپل غږ پورته نه کړي دوي به له بحران سره مخ شي.

دا په داسي حال کې ده چې ښاغلي صالح څه باندي دوه کاله دمخه د ثور د جشن د لمانځلو پر مهال په ولسمشر کرزي د برید وروسته وویل چې که د کرزي یو ویښته هم زیانمن شوی وای دا بحران به هيڅ چا هم نه وای جبران کړی.

صالح له هغه برید وروسته ویلي وو: (( په افغانستان کې مشروعیت یوازي په ارګ کې دی او که د کرزي یو ویښتنه ته زیان رسیدلی وای داسي سیتسم مې نه لید چې دا هیواد سره را تول کړي، زه خوشهاله یم چې د فاجعې  عمق دومره نه وو)).

واشنګټن پوست  لیکي چې د امریکا دولت په دې ورستیو کې له طالبیانو سره د سولې د عملیې ملاتړ کړی دی.

په افغانستان کې د ناټو ملکي استازي مارک سدویل وویل چې کله په افغانستان کې ستونزه وي شخړي وي.

ورځپاڼه لیکي دا چې په افغانستان کې د ناټو بشري او مالي تاوانون زیان دي نو دوي د کرزي او طالبانو تر منځ د واک  ویش د ټولو په ګټه بولي.

په کابل کې د ناټو یوه چارواکې واشنګټن پوست ته ویلي چې امرالله صالح یو ذکي سړی دی،خو د سولې په باب د هغه پالیسي سمه نه وه. 

صالح وایې د کرزي پر ضد د ده دریځ د قومي ملاحضاتو له مخې نه دی.

په ولسي جرګې که د پنجشیر د ولایت یوه استازي صالح محمد ریګستاني بیا واشنګټن پوست  ته ویلي چې تاجکان، ازبکان، او هزاره ګان د کرزي په حکومت کې د کارګرانو  رول لوبوي.

 صالح وایې چې کرزی یو شریف انسان دی او طالبان د کابل دروازو ته را رسیدلي دي او باید له هغوي سره د ژوند تر وروستۍ شیبې جګړه وشي.

واشنګټن پوست  وړاندي لیکي چې د افغان ولسمشر ویاند وحید عمر د دغو چارواکو د خبرو په باب څه نه دي ویلي.

ژباړه او ترتیب: میرویس جلالزی